WebLettres

Le portail de l'enseignement des lettres

La liste de discussion Profs-L

« Bienvenue chur eul' Lisss' Profs-L »


Retour


In y parleot frinchais, mais l'esprit i étot ch'ti = chaleureux et partageux !!!

Télécharger cette contribution en MP3 (fichier son).

Ti z'aut', t'étos in nouveau prof, té débarquos dins t' lychée, et teut' posos grinmint d' quechtions chur tin métier, tes élèfes, commint infournaquer eul' littérature et l'orthograff' dins leurs tiètes d'awouettes et tout cha...?
Aleurs, cache pô ailleurs, eul' Lisss' " Profs-L " alle est tertoute faite pour ti !!! Té ch'ras toudis eul' bienvenue(e)... Buque chur ta chouris et saque eun' d'ins !

Mi, la Cathy (eud' Lille, pis eud' Câlais) j'y étos v'nue, chur cheull' Lisss', après 15 ans à faire eul' prof' eud' collèche (in région parigienne, là d'où qu'i savoent pô quoqu' ch'étot qu'in crayon d' bô, eux i disoent "un crayon à papier", comme chi tous les crayons i z'étoent pô faits pour écrire chur euch' papier...!!! et où cha les faiseot marrer que j'dise " vinte sur vinte " !!!). Donc, j'arrivos in lychée, j'étos un tiot peu imprechionnée par eum' collègues eud' frinchais deul challe des profs, et j'osos pô trop leur eud'minder des cozes eud' débutinte !!! Pis ch'étot auchi l'année d'où que l' Bac frinchais y'aveot kingé, tout l'mont' i étot un tiot peu perdu, té sé....

Chuch Wèp', j'aveos rincontré un chite " Lettres.net " d'où qu'un collègue, eul' Jègue, i esspliquot toudis clairemint eul' lychée, eul' nouviau Bac, et tout l' ress... Pis comme i parlot d'eune liss d'échinge et d' partache, j'avos comminché à m'inscrire et à y poser des questions ; grinmint d'collègues y m'avoent répondu, incourachée, donné d'z'idées... Plus tard, ch'étot mi qu'avot répondu al' z'aut', j'aveos comme l'imprechion d'payer eum' dettes à cheux qui m'avoent choutenue eul' première année, même chi ch'étot pô les mêmes... Et asteure, me v'lô modératriche eud' la liss BTS... Ch'est pô croyap'... !

Ch'est t' dire que chur " Profs-L ", té pouveos commincher chuportère (té zieutes cheul'mint) ou rimplachant (té jues, mais rar'mint), et queuqu' z'années après, tu t'artrouff' arbitt' !!! Et chi té caches quèque coze, chur " Profs-L " t'étos chûr eud' trouver... tell'mint les z'aut y z'étoent chavants, imbattapes .... et partageux !! " Profs-L " ch'est l'cheul endrot qui faiseot mintir eul' proverpe : Ch'étot toudis l' p'us mauvoése reuye dé l' carette qu'alle faiseot l' p'uss éd buzin ! * Ichi, cheulles qui t' répondoent, ché cheulles qui chavoent !

Aleurs, du fond d'min coeur, in grind merchi à tertouss'... !!!!

La Cathy


* C'est toujours la plus mauvaise roue de la charrette qui fait le plus de bruit = ce sont toujours les cancres et les ignorants qui parlent le plus... (à r'chortir à tes élèffes ! Inna chûr'mint qu' cha concherne...) Chi t'aveot un aut' problèm' eud' vocabulaire, ou pour eum' comprintt', cache ichi : http://www.chti.org/chti/glossaire/



Contact - Qui sommes-nous ? - Album de presse - Adhérer à l'association - S'abonner au bulletin - Faire un lien

© WebLettres 2002-2017